Zaroorat kya hai

besabab baat barhaane kii zaruurat kyaa hai
hum Khafaa kab the manaane kii zarurat kyaa hai

aap ke dam se to duniyaa kaa bharam hai qaayam
aap jab hain to thikaane kii zarurat kyaa hai

dil se milane kii tamannaa hii nahin jab dil mein
haath se haath milaane kii zarurat kyaa hai

rang aankhon ke liye buu hai damaaghon ke liye
phuul ko haath lagaane kii zarurat kyaa hai

Sent By: Tayyaba Shakir